Республиканың йәмәғәт ойошмалары ниндәй ярҙам аласаҡ

Республика хөкүмәтенең 12 апрелдәге бойороғо менән 2021 йылда дәүләт субсидияһына дәғүә иткән конкурс еңеүселәренең – йәмәғәт ойошмаларының исемлеге раҫланды. Аҡса мәҙәниәт һәм сәнғәт, милли, дәүләт-конфессия һәм ижтимағи-сәйәси мөнәсәбәттәр өлкәһендә йәмғиәткә файҙалы программаларҙы тормошҡа ашырыуға йүнәлтелә.

Бөтә донъя башҡорттары ҡоролтайына яҡынса 14 миллион һум бүленә. Яҙыусылар союзы – 2 миллион, Башҡортостан Республикаһы Халыҡтары ассамблеяһы — 1 миллион, Композиторҙар союзы — 700 мең, Рустар соборы һәм Татарҙарҙың милли-мәҙәни автономияһы — 600 мең һум, Кинематографистар союзы — 500 мең, Рәссамдарҙың ижади союзы — 350 мең, Рәсәйҙең хәрби-тарихи ойошмаһы — 200 мең, «Рухи матурлыҡ» үҙәге — 200 мең, Сыуаш мәҙәниәте ойошмаһы 100 мең һум алырға тейеш.

Дәүләт ярҙамының дөйөм суммаһы – 20 миллион һумдан ашыу.

Башинформ.

Фото яндекс.