+30 °С
Болотло
Республика һулышы
28 Апрель 2021, 07:30
Асыҡ һауала архитектура-этнография музейын булдыралар
Дәүләт милке менән идара буйынса федераль агентлыҡ асыҡ һауала архитектура-этнография музейын булдырыу өсөн майҙаны 3 гектарҙан ашыу ер участкаһын Башҡортостан милкенә тапшырҙы. Был хаҡта ведомствоның сайтында хәбәр ителә.
Бүленгән биләмәлә археологик фондһаҡлағыс менән асыҡ һауала «Атайсал — ата-бабалар ере» архитектура-этнография музейын асыу күҙаллана. Асыҡ һауала башҡорт халҡының тарихи-мәҙәни мираҫын тәшкил иткән архитектура һәйкәлдәре урынлаштырыла тип билдәләнә, был иһә объектты республиканың туристик маршруттарына индерергә мөмкинлек бирергә тейеш. Урман-парк зонаһын ҡала һәм республика кимәлендәге мәҙәни сараларҙы ойоштороу өсөн файҙаланыу ниәте бар.
Хәбәр ителеүенсә, музей Башҡортостандың Һынлы сәнғәт музейы биләмәһендә урынлаштырыла.
Башинформ.
