+24 °С
Облачно
Республика һулышы
8 Мая 2021, 07:35
Башҡортостан - һәр саҡ юғары патриотик ынтылышта
7 майҙа республика Хөкүмәтенең эш кәңәшмәһендә Башҡортостан Башлығы Радий Хәбиров Бөйөк Ватан һуғышында еңеүҙең 76 йыллығын байрам итеүгә әҙерлек тураһында һөйләне.
- COVID-19 таралыуға бәйле потенциаль хәүефле хәлде иҫәпкә алып, ябыҡ биналарҙа күмәк сараларҙың күбеһен туҡтаттыҡ, - тине Радий Хәбиров. – Барлыҡ байрам сараларын да асыҡ һауала, мотлаҡ санитар-эпидемиологик нормаларҙы үтәп уҙғарасаҡбыҙ.
БР Хөкүмәте Премьер-министры урынбаҫары Ирек Сәғитов 9 майҙа Өфөлә Еңеү көнөнә арналған парад һәм тантана нисек үтәсәге тураһында һөйләне.
– Сәғәт 10:00-да Октябрь проспектында уҙғарыласаҡ парадта һәм хәрби техника йөрөшөндә ҡатнашыусыларҙың барыһы ла битлектә буласаҡ. Байрамға саҡырылыусы ветерандарҙан коронавирусҡа тест аласаҡтар. Уларҙы айырым транспортта COVID-19-ҙан вакцинацияланған медиктар һәм волонтёрҙар оҙатып йөрөйәсәк, – тип билдәләне Ирек Сәғитов. – Байрам сараларын тура эфирҙан БСТ, «Башҡортостан-24», «Вся Уфа» телеканалдары алып барасаҡ. Республика етәксеһе Башкортостан халҡының юғары патриотик ынтылышта булыуын билдәләне.
- 9 майҙа онлайн-форматта уҙасаҡ «Үлемһеҙ полк» акцияһында ҡатнашыусылар һаны буйынса беҙҙең республика Рәсәй төбәктәре араһында лидерҙар иҫәбендә. Бына әле 87 мең кеше үҙ геройҙарының портреттарын ебәрҙе лә инде, - тине Радий Хәбиров. – Был беҙҙең йәмғиәтебеҙҙең гражданлыҡ өлгөргәнлегенә һәм йәштәребеҙҙең ышаныслылығына бик яҡшы күрһәткес булып тора.
Р.УСМАНОВА.
