+30 °С
Болотло
Республика һулышы
8 Июнь 2021, 13:30
«Алға» картаһының мобиль ҡушымтаһы ҡулланыуға индерелә
Башҡортостанда «Алға» картаһының мобиль ҡушымтаһы ҡулланыуға индерелә.Электрон картаның өҫтөнлөктәре бөгөн Радий Хәбиров рәйеслегендә уҙған «Транспорт сәғәте»ндә тикшерелде.
Хәҙер пластик карта урынына виртуаль вариантты ҡулланырға ла мөмкин. Шулай уҡ мобиль ҡушымтаны ғәмәлгә ашырғанда пассажирҙарҙың да тәҡдимдәре иҫәпкә алынған. Шуларҙың береһе билет хаҡын ике тапҡыр түләтеүгә юл ҡуймау. Белгестәр фекеренсә, тағы ла камиллаштырылған система ярҙамында аҡсаларҙы даими контролдә тоторға мөмкин. Башҡортостан Рәсәйҙә бындай тәжрибәне ҡулланған берҙән-бер төбәк һанала.
Әлегә тиклем ҡулланыусылар «Алға» картаһын һатып алды, төп проблемаларҙың береһе иҫәптә ҡалған сумманы белеп, ҡарап булмай ине. Хәҙер иһә мобиль ҡушымтаны телефонға ғына ҡуйып алырға була. Ә аҡса банк картаһынан алына, йәғни күпме, ҡайҙа, ҡасан күскәнен тулыһынса күҙәтеп барырыға мөмкин. Уның ҡарауы, электрон карта аша алынған билет хаҡы күпкә арзаныраҡ.
Олег Романов, «Башҡортостан социаль карталар регистры» йәмғиәтенең генераль директоры урынбаҫары.
https://bash.news
