+24 °С
Болотло
Республика һулышы
14 Декабрь 2021, 12:00
Өфөнән Мәскәүгә өҫтәмә поездар йөрөй башлай
Яңы йыл һәм Раштыуа каникулдары осоронда «ФПК» акционерҙар йәмғиәте Куйбышев филиалының өҫтәмә поездары юлға сыға.
Өфөнән Мәскәүгә өҫтәмә поездар йөрөй башлай
Улар 25 декабрҙән 10 ғинуарға тиклем популяр маршруттар буйлап йөрөй, тип хәбәр итте компанияның матбуғат хеҙмәте.
Өҫтәмә поездар Һамар — Мәскәү, Пенза — Мәскәү, Өфө — Мәскәү (Һамар аша), Өфө — Мәскәү (Ульяновск аша), Мәскәү — Димитровград, Мәскәү — Тольятти, Орск — Мәскәү — Орск (Һамар аша) маршруттары буйынса йөрөй.
Тимер юлсылар көн һайын поездарҙа буш урындар бармы-юҡмы икәнен күҙәтеп бара. Әгәр ҡайһы бер йүнәлештәргә һорау артһа, өҫтәмә рейстар һанын арттырыу йәки тәғәйенләнгән составтарға өҫтәмә вагондар индереү мөмкинлеге ҡарала.
Башинформ.
