+30 °С
Болотло
Республика һулышы
21 Февраль 2022, 09:30
«Иң яратҡан һәм мөһим байрамдарҙың береһе»
Бөгөн Башҡортостан Башлығы Радий Хәбиров республика Хөкүмәтендәге оператив кәңәшмәлә Ватанды һаҡлаусылар көнөн байрам итеү хаҡында һөйләне.
«Иң яратҡан һәм мөһим байрамдарҙың береһе»
«Ике көндән иң яратҡан һәм мөһим байрамдарыбыҙҙың береһе — Ватанды һаҡлаусылар көнө. Һөйөклө ҡатын-ҡыҙҙарыбыҙ ҡәҙерле ирҙәренә бүләктәр һатып алғандыр инде, моғайын. Бөтә муниципалитеттарҙан саралар үткәреүҙәрен һорайым. Белеүегеҙсә, йоманан QR-кодтарға ҡағылышлы сикләүҙәр ғәмәлдән сығарылды. 23 февралдә республика саралары — сәскә һалыу, тантаналы ултырыш, бай программа була», — тип билдәләне Радий Хәбиров.
Шулай уҡ ул республиканың район хакимиәттәре башлыҡтарына хәрби хәрәкәттәр ветерандарын һәм хәрби конфликттарҙа һәләк булғандарҙың ғаиләләрен ҡотларға ҡушты.
«Хөрмәтле коллегалар, муниципалитет башлыҡтары, әлбиттә, яугирҙар һәм отставкалағы офицерҙар, хәрби хәрәкәттәрҙә зыян күргән хәрбиҙәр, хәрби хеҙмәт инвалидтарының һәм башҡаларҙың иғтибарҙан ситтә ҡалмауы мөһим. Бына шуға иғтибар итеүегеҙҙе һорайым. Әлбиттә, һәр муниципалитет, һәр башлыҡ улдары Чечен һуғышында йәки Афған һуғышында, йә иһә башҡа ҡораллы конфликттарҙа һәләк булғандар ата-әсәләрҙе йөрөп сығырға мөмкин», — тине Радий Хәбиров.
Башинформ.
