+20 °С
Болотло
Республика һулышы
22 Март 2022, 09:41
Туҡланыу продукттарын эшкәртеү — республика өсөн төп бурыстарҙың береһе
Бөгөн, 22 мартта, Башҡортостан Башлығы Радий Хәбиров, республика хөкүмәтендәге оператив кәңәшмәне асып, «АгроКомплекс» күргәҙмәһендә алған тәьҫораттары менән уртаҡлашты. Бөгөн Өфөлә ҙур презентация майҙансығы эшләй башланы.
Туҡланыу продукттарын эшкәртеү — республика өсөн төп бурыстарҙың береһе
«Беҙ «Агрокомплекс» күргәҙмәһендә булдыҡ һәм эшлекле кәйеф мөхитенә сумдыҡ. Ауыл эшсәндәре, ауыл хужалығы етештереүселәре, машина эшләүселәр, бер нәмәгә ҡарамаҫтан, күптән импортты алмаштырыу менән шөғөлләнә. Улар техниканы хеҙмәтләндерергә әҙер. Шуға күрә беҙ шундай күтәренке кәйеф менән күргәҙмәне ҡарап сыҡтыҡ», — тине республика етәксеһе.
Бөгөнгө көндә туҡланыу продукттарын эшкәртеү — республика өсөн төп бурыстарҙың береһе, тине Радий Хәбиров. Башҡортостан ошо күрһәткес буйынса Волга буйы федераль округында бишенсе урынды биләй. Республика Башлығы был юҫыҡта эште дауам итеү һәм кәм тигәндә өсөнсө урынға күтәрелеү бурысын ҡуйҙы.
Шулай уҡ ул Белоруссия предприятиеларын республика иҡтисадына индереүҙең мөһимлегенә иғтибар итте.
Хәтерегеҙгә төшөрәбеҙ, 21 мартта Башҡортостанға «Белоруссия Сауҙа-сәнәғәт палатаһының Гомель бүлексәһе» предприятиеһының генераль директоры Марина Филонова етәкселегендәге Беларусь Республикаһының эшлекле делегацияһы килде. Сәфәрҙе Башҡортостандың Белоруссиялағы «Офис-төркөм» Конгресс-бюроһы ойошторған. Ике республика предприятиелары араһында хеҙмәттәшлек тураһында бер нисә килешеүгә ҡул ҡуйыу планлаштырыла. Беларусь делегацияһы сауҙа-иҡтисади мөнәсәбәттәрҙе үҫтереү буйынса сараларҙа, «АгроКомплекс» халыҡ-ара күргәҙмәһендә ҡатнаша.
Башинформ.
Туҡланыу продукттарын эшкәртеү — республика өсөн төп бурыстарҙың береһе
