+30 °С
Болотло
Республика һулышы
19 Май 2022, 08:13
Алданған өлөшсөләр 17 йыл көткән фатир асҡыстарын алды
Өфөлә алданған өлөшсөләрҙең алты ғаиләһе фатир асҡыстарын алды. Республиканың Төҙөлөш һәм архитектура министрлығынан хәбәр итеүҙәренсә, уларҙың күбеһе 17 йыл йортто сафҡа индереүҙәрен көткән.
Алданған өлөшсөләр 17 йыл көткән фатир асҡыстарын алды
«Кешеләр намыҫһыҙ «Капитал-Хаус» һәм «Регион-Сервис» компанияларының булмаған торлаҡ комплекстарында фатир һатып алған. Күләмле инвестиция проекттары — ышаныслы төҙөүселәрҙе алданған өлөшсөләрҙең проблемаларын үҙ иңенә алырға йәлеп итергә мөмкинлек биргән дәүләт ярҙамы. Шул рәүешле алты ғаиләнең хоҡуҡтары ваҡытынан алда тергеҙелгән, йыл аҙағына тиклем төҙөүсе тағы 18-ен фатирҙар менән тәьмин итергә тейеш», — тип билдәләне Башҡортостандың төҙөлөш министры урынбаҫары Артем Ковшов.
Хәтерегеҙгә төшөрәбеҙ, 2022 йылдың башынан Башҡортостанда тағы бер меңгә яҡын кешенең хоҡуҡтары тергеҙелгән. Республикала 2,9 меңдән ашыу өлөшсө үҙ торлағын көтә.
Башинформ.
