+24 °С
Болотло
Республика һулышы
19 Май 2022, 07:31
Мәғариф министры Башҡортостанда йәшәүселәрҙе Пионерия көнө менән ҡотланы
Башҡортостандың мәғариф һәм фән министры Айбулат Хажин республика халҡын илдә пионер хәрәкәте ойошторолоуҙың 100 йыллығы менән ҡотланы.
Мәғариф министры Башҡортостанда йәшәүселәрҙе Пионерия көнө менән ҡотланы
«100 йыл элек илебеҙҙә пионер ойошмаһы булдырылған, күп быуындар уның менән айырылғыһыҙ бәйле. Был — дәүләтебеҙ үҫеше тарихында иң әүҙем балалар хәрәкәте. Пионер — бер ниҙән дә ҡурҡмай, яҡшы уҡый, өлкәндәрҙе хөрмәтләй, уҡыусыларға уҡыуҙарында, ата-әсәһенә ярҙам күрһәтә. Ҡәҙерле дуҫтар, пионер хәрәкәте ветерандарына һәм йәш пионерҙарға ныҡлы һаулыҡ, бәхет, оптимизм теләйем!», — тип билдәләне ул.
Айбулат Хажин үҙе пионер булған осор тураһында йылы һүҙҙәр әйтте.
«Пионерия һәр совет уҡыусыһының тормошонда мөһим мәл булды. Мин 1983-1987 йылдарҙа пионер булып йөрөнөм. 9 майҙа Өфөнөң Нефтехимиктар һарайында өлкәнерәк иптәштәрем миңә ҡыҙыл галстук бәйләне. Был бөтәбеҙ өсөн дә ысын байрам ине. Һәр класҡа-пионер отрядына пионер-геройҙың исеме бирелде. Беҙ мәҙәни сараларҙа ҡатнаша, стена гәзиттәре сығара торғайныҡ, төрлө смотрҙарҙа ҡатнаштыҡ, пионерҙар араһында тимурсылар эше айырыуса яҡшы ойошторолғайны. Пионер отрядтары араһында макулатура, металлолом йыйыу буйынса ярыштар уҙғарылды. Һәр класс алдынғы булырға теләй ине», — тине Айбулат Хажин.
Министр һүҙҙәренсә, Башҡортостандың заманса белем биреү ойошмалары йәштәрҙе тәрбиәләү эшен уңышлы алып бара.
Башинформ.
