+30 °С
Болотло
Республика һулышы
28 Июнь 2022, 10:40
2024 йылға Башҡортостандың тулайым төбәк продукты 2,5 триллион һумға етергә тейеш
Башҡортостандың тулайым төбәк продуктын 2024 йылға 2,5 триллион һумға тиклем арттырыу күҙаллана, тип хәбәр итте республика премьер-министры Андрей Назаров. Уның һүҙҙәренсә, республика быға дәүләт программаһы ярҙамында өлгәшергә мөмкин.
2024 йылға Башҡортостандың тулайым төбәк продукты 2,5 триллион һумға етергә тейеш
«Былтыр йылды 419 миллиард һумлыҡ инвестиция күләме менән тамамланыҡ, был унан элекке йылға ҡарағанда 5,1 процентҡа күберәк (Волга буйы федераль округы буйынса уртаса күрһәткестән юғары). Быйыл беренсе кварталда был күрһәткесте 24,9% арттырыуға өлгәшелде. Күҙаллауҙар буйынса тулайым төбәк продукты 2,017 триллион һум тәшкил итә. Беҙ инвестиция мөхите торошоноң милли рейтингында тәүге биш төбәк иҫәбендә үҙ позициябыҙҙы раҫланыҡ», — тип билдәләне Андрей Назаров.
2024 йылда Башҡортостандың төп капиталына инвестициялар күләме 650 миллиард һумға етер, тигән ышаныс белдерҙе премьер-министр. Шул рәүешле республика инвестиция рейтингында алдынғы урындарға сығырға мөмкин.
Башинформ.
