Радий Хәбиров Башҡортостандың профсоюз хәрәкәтенә 100 йыл тулыуға арналған тантаналарҙа ҡатнашты

«Профсоюз ойошмалары үҙҙәренең сағыу биттәрен – Бөйөк Ватан һуғышы йылдарында хәрби һәм хеҙмәт батырлығын, һуғыштан һуңғы иҡтисадты аяҡҡа баҫтырыуҙы, сәнәғәтте һәм социаль өлкәне үҫтереүҙе республика һәм ил тарихына яҙҙы. Аршат Сабит улы Ихсанов, Әмирхан Мирҡәҙәм улы Сәмерханов һәм башҡа етәкселәр республика Профсоюздар федерацияһы үҫешенә тос өлөш индерҙе. Күп йыллыҡ хеҙмәтегеҙ, йәш коллегаларығыҙға йомарт өләшкән һоҡланғыс традициялар өсөн профсоюз хәрәкәте ветерандарына ысын күңелдән рәхмәт белдерәбеҙ», – тине Радий Хәбиров.

«Хөрмәтле профсоюз әүҙемселәре, һеҙ йәмғиәтебеҙҙе алға этәрәһегеҙ. Иҡтисад тармаҡтарын һәм социаль өлкәне үҫтереү өсөн мөһим стимул булдыраһығыҙ. Эш хаҡын күләгәнән сығарырға, уны арттырырға, эшсе һөнәрҙәрҙең абруйын күтәреүгә булышлыҡ итәһегеҙ. Быйыл республикала Һөнәри белем биреүҙе, лайыҡлы хеҙмәт шарттарын һәм хеҙмәт династияларын яңыртыу йылы тип иғлан иттек. Шуның менән беҙ хеҙмәт кешеһе мәнфәғәттәренең республика өсөн айырыуса әһәмиәтле булыуын билдәләйбеҙ. Ошо йыл республиканың профсоюз хәрәкәте үҫешенә яңы этәргес бирер тип ышанам. Башҡортостандың Профсоюздар федерацияһы артабан да хеҙмәт кешеләренең мәнфәғәттәрен уңышлы яҡлар, иҡтисадты һәм йәмғиәттең тотороҡлоғон нығытыуға булышлыҡ итеренә ышаныс көслө. Байрам менән, ҡәҙерле дуҫтар», – тип мөрәжәғәт итте ул тантаналы йыйылышта ҡатнашыусыларға.

 

Башинформ.