+24 °С
Облачно
Республика һулышы
15 Июля 2022, 05:40
Шәһит Хоҙайбирҙин исемендәге премияға эштәр ҡабул ителә!
БР Хөкүмәте ҡарамағындағы Шәһит Хоҙайбирҙин исемендәге премияны тапшырыу буйынса комиссия документтар ҡабул итә башлау тураһында хәбәр итә.
Шәһит Хоҙайбирҙин исемендәге премияға эштәр ҡабул ителә!
Тәртипкә ярашлы, премия 2021 йылдың сентябренән 2022 йылдың авгусына тиклем сыҡҡан иң яҡшы әҫәрҙәр өсөн журналистарға, шулай уҡ журналистар коллективына тапшырыла.
Дәғүәселәрҙең эштәре репортаж, очерк, документаль повесть һәм публицистик мәҡәлә; теле- һәм радиотапшырыу; фотоэштәр серияһы формаһында булырға тейеш. Улар республика, Рәсәй йәки сит ил баҫма йәки электрон киң мәғлүмәт сараларында йәки айырым китап булып сығыуы шарт. Конкурс әҫәрҙәре темаларына замандаштарҙың образдары, халыҡтар дуҫлығы һәм милли мәҙәниәттәрҙең байлығы, гражданлыҡ тыныслығы һәм йәмғиәттәге татыулыҡ, республиканың социаль-иҡтисади үҫеше инә. Премия суммаһы 100 мең һум тәшкил итә.
Материалдар 2022 йылдың 1 сентябренә тиклем ошо адрестар буйынса ҡабул ителә: 450079, Өфө ҡалаһы, Октябрҙең 50 йыллығы урамы, 13, Башҡортостан Журналистар союзы, 111-се офис (Матбуғат йортоноң 1-се ҡатында). Телефон: (347) 276-42-66, 8-917-36-83-284), БР Матбуғат агентлығы (Киров урамы, 45, дүртенсе ҡат (баҫма киң мәжлүмәт саралары бүлеге, телефоны: 218-07-73).
Конкурстың положениеһы ошо һылтанма буйынса һалынған: https://pressarb.bashkortostan.ru/documents/active/234161/
Тулыраҡ мәғлүмәт БР Матбуғат һәм киң мәғлүмәт саралары агентлығы сайтында (https://pressarb.bashkortostan.ru/) һәм Башҡортостан Журналистар союзы сайтында (http://сжрб.рф/) бар.
https://ye102.ru
