+24 °С
Болотло
Республика һулышы
14 Сентябрь 2022, 12:35
Башҡортостанда федераль трассалар ремонтлана
Башҡортостанда 2022 йылда федераль трассаларҙы ремонтлауға һәм төҙөүгә 23 миллиард һум бүленгән, был 2021 йылға ҡарағанда 167% күберәк. Ошо хаҡта республика етәксеһе Радий Хәбиров социаль селтәрҙә хәбәр итте.
Башҡортостанда федераль трассалар ремонтлана
Уның һүҙҙәренсә, бөгөнгә Башҡортостанда федераль әһәмиәттәге 795 саҡрым юл бар: М-5 «Урал», М-7 «Волга», Р-240 Өфө — Ырымбур трассалары.
«Һуңғы йылдарҙа Федераль юл агентлығы менән берлектәге эш әүҙемләште. Маҡсаттарҙы һәм бурыстарҙы тулыһынса аңлайбыҙ. Был слайдта —Башҡортостанда юлдар һалыуға, төҙөкләндереүгә, шулай уҡ проект-эҙләнеү эштәренә федераль бюджеттан бүленгән аҡса. Ошо маҡсатҡа финанслау күләме йылдан-йыл арта. Алдағы йылдарҙа бының артыуына иҫәп тотабыҙ. Башҡортостанда федераль юлсыларҙың пландары ҙур, шул иҫәптән Ҡазан — Екатеринбург маршрутының бер өлөшө булырға тейешле автомобиль юлының участкаһын төҙөү», — тип пландары менән уртаҡлашты Радий Хәбиров.
Был һандар артында — кешеләр яҙмышы, уларҙың ғүмере һәм сәләмәтлеге, тип билдәләне ул. Федераль автомобиль юлдары идаралығы мәғлүмәттәре буйынса, федераль трассаларҙа юл фажиғәләрендә һәләк булыусылар һаны —55% кәмегән.
Башинформ.
