+30 °С
Болотло
Республика һулышы
13 Апрель 2023, 14:00
Башҡортостандың 13 ҡалаһында «ПРОФФЕСТ» Бөтә Рәсәй эшкә урынлашыу йәрминкәһе була
14 апрелдә Башҡортостанда «ПРОФФЕСТ. Рәсәйҙә Эш. Мөмкинлектәр ваҡыты» Бөтә Рәсәй эшкә урынлашыу йәрминкәһенең беренсе этабы уҙғарыла. Был хаҡта республиканың Ғаилә, хеҙмәт һәм халыҡты социаль яҡлау министрлығының матбуғат хеҙмәтенән хәбәр иттеләр.
Башҡортостандың 13 ҡалаһында «ПРОФФЕСТ» Бөтә Рәсәй эшкә урынлашыу йәрминкәһе була
«Йәрминкәлә, вакансиялар менән бер рәттән, заманса мәшғүллек хеҙмәтенең барлыҡ мөмкинлектәре күрһәтелә», — тип билдәләнеләр ведомствола.
Бөтә Рәсәй эшкә урынлашыу йәрминкәһенең төбәк этабы бер үк ваҡытта Башҡортостандың 13 ҡалаһында ойошторола. Улар араһында — Өфө, Стәрлетамаҡ, Мәләүез, Бөрө, Нефтекама, Күмертау, Белорет, Учалы, Сибай, Салауат, Ишембай, Бәләбәй һәм Октябрьский. Өфөлә иһә йәрминкәне үткәреү урыны — «Торатау» конгресс-холы.
Был сарала Башҡортостандың 200-гә яҡын предприятиеһы һәм ойошмаһы ҡатнаша.
«Эш эҙләүселәр һөнәри компетенцияһын үҫтереү йәки ихтыяж ҙур булған һөнәр буйынса ҡайтанан уҡыу, ә эш биреүселәр дәүләт яғынан ярҙам тураһында белә ала», — тип белдерҙеләр министрлыҡта.
16+
Башинформ.
