+30 °С
Болотло
Республика һулышы
23 Июнь 2023, 11:46
Өфөлә Рәсәй һәм Белоруссия рәссамдарының күргәҙмәһе асылды
Рәсәй һәм Беларусь төбәктәре форумы алдынан М.В. Нестеров исемендәге Башҡорт дәүләт художество музейында «Рәсәй һәм Белоруссия рәссамдары.Һынлы сәнғәт, графика, скульптура, биҙәү сәнғәте» күргәҙмәһе асылды. Бында 63 рәссамдың 106 әҫәре тәҡдим ителә.
Өфөлә Рәсәй һәм Белоруссия рәссамдарының күргәҙмәһе асылды
Музейҙың матбуғат хеҙмәтенән хәбәр итеүҙәренсә, күргәҙмәлә ХХ быуаттың икенсе яртыһында Рәсәй һәм Беларусь Республикаһы рәссамдары ижад иткән һынлы сәнғәт, графика, халыҡ һәм профессиональ биҙәү-ҡулланма сәнғәте әҫәрҙәрен күрергә мөмкин.
Әҫәрҙәр Рус дәүләт музейы (Санкт-Петербург), «Царицыно» дәүләт тарихи-архитектура, художество һәм ландшафт музей-ҡурсаулығы, «РОСИЗО» дәүләт музей-күргәҙмә үҙәге, Рәсәй Рәссамдар союзы һәм шәхси йыйылмаларҙан (бөтәһе лә - Мәскәүҙән) алынған.
Күргәҙмәне ойоштороусылар — Рәсәйҙең Мәҙәниәт министрлығы һәм «РОСИЗО» дәүләт музей-күргәҙмә үҙәге. Күргәҙмә Рәсәй төбәктәренең һәм Беларусь Республикаһының Х форумына ҡарата асылды.
Күргәҙмә 2023 йылдың 27 авгусына тиклем эшләй.
Башинформ.
