+24 °С
Облачно
Республика һулышы
5 Июля 2023, 12:05
Радий Хәбиров республикала ислам банкингын үҫтереү мөмкинлектәрен баһаланы
Башҡортостан Башлығы Радий Хәбиров «Ведомости» баҫмаһына биргән интервьюһында республикаға ислам донъяһы илдәренән сит ил инвестицияларын йәлеп итеүҙе килеп тыуған иҡтисади шарттарҙа айырыуса көнүҙәк тип атаны.
Радий Хәбиров республикала ислам банкингын үҫтереү мөмкинлектәрен баһаланы
«Башҡортостан банк хеҙмәтләндереүенә ислам принциптарын индереү йәһәтенән дүрт пилот төбәгенең береһе булып тора. Партнерлыҡ финанслауын индереү буйынса эксперимент ике йыл бара, дингә ҡарамай, бөтәһе лә алырға мөмкин. Был финанслауҙы фонд, автономлы коммерцияға ҡарамаған ойошма һәм башҡа формаларҙа теркәлгән финанс ойошмалары, юридик шәхестәр бирә, ә эшмәкәрлеген Үҙәк банк көйләй. Был ысулдың нисек эшләүен өйрәнеп, артабан хоҡуҡи көйләү алымдарын билдәләү мөмкинлеген тикшереүгә иҫәп тотабыҙ», — тине Радий Хәбиров.
«Башинформ» хәбәр иткәнсә, ислам банкингы эшмәкәрлекте ислам нормаларына ярашлы алып барыуҙы күҙ уңында тота. Проценттар түләү (риба) һәм унан процент килешеүҙәре, билдәһеҙлек шарттары менән килешеүҙәр, шулай уҡ иҡтисадтың ҡайһы бер секторҙарын: уйын бизнесын, сусҡа ите, алкоголле продукция һәм тәмәке етештереүҙе финанслау тыйыла. Банктар инвестицияларҙан табыш ала.
Башинформ.
