Башҡортостанда хаҡлы ялдағы инәй яугирҙәргә автомобиль ебәргән

«Үҙебеҙ һуғыш балалары, аслыҡты ла, яланғаслыҡты ла күп күрҙек. Балаларҙың һәр береһенең машинаһы бар, уны кем йөрөтә. Нисә йыл тик торҙо. Ауыл советы менән һөйләштек тә ебәрәйек, тинем», - ти Фәһимә инәй «Дәүләкән ТВ» телеканалына.

Көрмәнкәй ауыл советы башлығы Дамир Дәүләтов әйтеүенсә, машинаны ошо ауыл егеттәре хеҙмәт иткән подразделениеға тапшырғандар.

Был район халҡының яҡташтарына берҙән-бер ярҙамы түгел. Ҡоръятмаҫ ауылы старостаһы Фәнир Халиҡов махсус хәрби операция зонаһына ике автомобиль гуманитар ярҙам илткән. Һуңынан яугирҙәр әйтеүенсә, иң тәмлеһе тыуған яҡтан ебәрелгән икмәк булған.   

Башинформ.