ҮЛЕМ ОСРАҠТАРЫ КҮП

Башҡортостанда йыл башынан алып юл-транспорт ваҡиғаларында 166 кеше һәләк булған. Был уҙған йылдың ошо уҡ осорона ҡарағанда 42-гә күберәк. Транспорт министрлығы мәғлүмәттәре буйынса, йыл башынан алып республикала 1214 юл фажиғәһе теркәлгән. Был 2023 йылдың ошо уҡ осорона ҡарағанда 19,4 процентҡа түбәнерәк. Юл-транспорт ваҡиғаһында зыян күреүселәр һаны 18 процентҡа кәмегән. Әммә һәләк булыусылар һаны арта. Башҡортостан Башлығы Радий Хәбиров хөкүмәттәге оператив кәңәшмәлә был статистикаға асыуланды һәм яуаплыларҙы «яңынан йыйылырға һәм нимә эшләргә кәрәклеген уйларға»саҡырҙы. "Юл-транспорт ваҡиғалары һаны кәмей, зыян күреүселәр һаны кәмей, һәләк булыусылар һаны арта. Яңынан йыйынығыҙ, ултырығыҙ һәм нимә эшләргә кәрәклеген уйлағыҙ. Мин һеҙҙән был бурысты үтәмәйем. Йыл һайын үлем осраҡтарын кәметергә тейешбеҙ. Әлегә + 42 кеше бараһығыҙ», - тине ул вице-премьер Алан Марзаевҡа һәм БР транспорт һәм юл хужалығы министры вазифаһын башҡарыусы Любовь Минаковаға. Бының өсөн һеҙ  яуаплы, тине ул.

Р.ҒӘЛИМОВА