Төбәк менән идара итеү үҙәге кәңәшмәһендә яңғыраған төп белдереүҙәр

* Радий Хәбиров Ауырғазы районы Әмзә ауылынан МХО офицеры Никита Вәлиевҡа Шайморатов генерал орденын тапшырҙы.Хәбиров Стәрлитамаҡҡа “Горожанин” маркалы 10 яңы заманса троллейбус бирергә ҡушты. Тағы бер нисә тиҫтәһен Өфөгә килтерергә тейештәр. Радий Хәбиров Ҡалтасы районынан яуҙа һәләк булған яугирҙың әсәһен ике аҙна эсендә ишетеү аппараты менән тәьмин итергә һәм шулай уҡ һаулыҡ һаҡлау министрына хәлде асыҡларға ҡушты.

* Радий Хәбиров, үткән йылдағыса, хөкүмәт ағзаларына аталары әле МХО-ла булған балаларҙы мәктәпкә беренсе класҡа алып барырға тәҡдим итте. Башлыҡ шулай уҡ МХО-лағы яугирҙарға ярҙам итеүсе эшҡыуарҙарҙы дәртләндерергә тәҡдим итте.

* Яңы уҡыу йылында Башҡортостанда 524 мең бала парта артына ултырасаҡ, шуларҙың 47 836-һы – беренсе класҡа барыусылар.

* Октябрҙән Башҡортостан хәрби комиссариаттары электрон дәүләт хәрби иҫәп мәғлүмәт системаһы менән эшләйәсәк: системаға Һаулыҡ һаҡлау министрлығы, Мәғариф министрлығы, Спорт министрлығы һәм башҡа ведомстволар буйынса мәғлүмәттәр индереләсәк.

* Хәйбулла районының Йәнтеш ауылында терәк лагеры булыуы ихтимал.

* Хәбиров Илеш һәм Нуриман райондарының бер нисә ауылында һәм шулай уҡ Учалыла юлдарҙы матурларға ҡушты.

* Башҡортостанда 670 мең тонна иген йыйып алынған. Көслө ямғырҙар арҡаһында уңыш һәләк булыу сәбәпле, 50 районда һәм Күмертау ҡалаһында ғәҙәттән тыш хәл режимы индерелгән.

* 2 сентябрҙән Башҡортостан мәктәптәрендә Донбастан килтерелгән 200 бала һәм, шулай уҡ контртеррористик операция үткәрелгән райондарҙан эвакуацияланған балалар уҡый башлаясаҡ.

* Яңы уҡыу йылынан республика мәктәптәрендә шәкәр диабеты, фенилкетонурия, аҙыҡ аллергияһы менән яфаланыусы уҡыусылар өсөн махсус менюның биш варианты ойоштороласаҡ. Шулай уҡ һөтһөҙ һәм глютенһыҙ меню ҡаралған.

* БР Һандар министрлығы Өфө-Инйәр-Белорет трассаһының Архангел-Инйәр участкаһындағы юлдың 90 проценттан дә кәм булмаған өлөшөн мобиль элемтә менән һәм 80 проценттан дә кәм булмаған юлды мобиль интернет тәьмин итеү буйынса килешеү төҙөнө.

* Башҡортостан мәктәптәре балансында 1523 мәктәп автобусы тора, уҡыуға алып барыу һәм алып ҡайтыу өсөн 50 206 бала йәлеп ителгән. Быйыл республикаға 17 яңы мәктәп автобусы килтерелде, шулай уҡ Рәсәй хөкүмәте беҙгә йәнә 50 автобус бүлде – уларҙы ошо йылдың өсөнсө кварталында килтерәсәктәр.

* Өфөлә Мәжит Ғафури паркы биләмәһендә яңы саңғы базаһы барлыҡҡа киләсәк. Быйыл тейешле проектлау уҙғарыласаҡ, 2025 йылда саңғы-роллер трассаһын әҙерләйәсәктәр һәм 2026 йылда икенсе этап булып яңы уҡыу үҙәге торасаҡ.

* Өфөнәң юбилейына РФ Президентының Волга буйы федераль округындағы тулы хоҡуҡлы вәкиле Игорь Комаров, Абхазия президенты Арслан Бжания һәм Беларуссияның премьер-министры Роман Головченко киләсәк. Шулай уҡ Үзбәкстандан һәм Ҡытайҙан делегация килеүе көтөлә.

* “Көҙ романтикаһы” фестивалендә өс көн эсендә 65 мең кеше булған. Үткән йылда ике көн эсендә фестивалдә 20 меңдән ашыу тыңлаусы булһа, быйыл иһә тәүге көнөндә үк 24 700 кеше булған.

* “Башҡорт ихаталары” программаһы буйынса ихаталарҙы төҙөкләндереүҙе 30 сентябргә тиклем тамамларға уйлайҙар. Бөтә ихаталарҙың уртаса әҙерлек дәрәжәһе 60 проценттан ашыу тәшкил итә.

* 2024 йылда 39 күп фатирлы йорттоң 119 подъезында комплекслы ремонт уҙғарыу планлаштырылған. Әле йорттарҙың 73 прцентында капиталь ремонт уҙғарыла – 277 йортта ремонт тамамланған да инде. Бының өсөн 106 миллион һум бүленгән. Быйыл бөтәһе 739 күп фатирлы йортта 5,5 миллиард һумлыҡ капиталь ремонт уҙғарыу планлаштырыла.

* Яңы уҡыу йылында Башҡортостан мәктәптәрендә өҫтәмә дәрестәр – Ватанды һаҡлау һәм хәүефһеҙлек нигеҙҙәре (ОБЗР) һәм хеҙмәт (технология) индереләсәк.

Р. САФИНА.

Төбәк менән идара итеү үҙәге кәңәшмәһендә яңғыраған төп белдереүҙәр

Автор:Роза Сафина

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.

Баш мөхәррир

Мансуров Рәмил Ғәбдрәшит улы.

Телефон

Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73

Электрон почта

[email protected]

Адресы

453124, РБ, г. Стерлитамак, ул. Комсомольская, 82

Реклама хеҙмәте

(347) 325-18-57

Редакция

(347) 325-18-57

Ҡабул итеү бүлмәһе

(347) 325-18-57

Хеҙмәттәшлек

(347) 325-18-57