Ҡытайҙан килгән туристарҙы махсус булдырылған обсерваторҙа урынлаштырасаҡтар

Ул һау-сәләмәт кешеләр өсөн генә тәғәйенләнә. Ниндәй ҙә булһа сиргә шик булһа, инфекция дауаханаһына оҙаталар. Обсерватор "Һаулыҡ шишмәһе" тигән профилакторийҙа булдырылған.

Ҡытайҙан килеүселәр Өфө янындағы обсерваторҙа Төмәндәге федераль пункт тулған осраҡта ғына урынлаштырыла. Республика ғәҙәттән тыш хәлдәр буйынса дәүләт комитетынан белдереүҙәренсә, унда ауырыуҙарҙы алып барыу планлаштырылмай, һау-сәләмәт кешеләр генә күҙәтеү аҫтында буласаҡ. Сир таралыуына юл ҡуймау маҡсатында Ҡытайҙан килеүселәр өсөн 14 көнлөк карантин индерелә. Башҡортостан һаулыҡ һаҡлау министрлығы мәғлүмәттәре буйынса бөгөнгә был дәүләттән килеүселәр араһында коронавирус асыҡланмаған, киҫкен вируслы инфекция йоҡтороуҙың 31 осрағы теркәлгән.

БСТ.