0 °С
Болотло
Бөтә яңылыҡтар
Сәләмәтлек
10 Апрель 2020, 16:55
Коронавирус йоҡтороусылар һаны 40-ҡа етте
Башҡортостан Хөкүмәтенән хәбәр итеүҙәренсә, республикала Covid-19 менән зарарланыу осрағы раҫланған кешеләр һаны 10 апрелдә 40-ҡа етте. Иҫегеҙгә төшөрәбеҙ, инфекция йоҡтороусылар һаны кисә генә - 9 апрелдә 22 ине.
Бынан тыш, БР Хөкүмәтендә Covid-19 осрағы раҫланған ҡала һәм райондарҙы атанылар. Ауырыусылар - Өфө, Дүртөйлө, Күмертау, Бәләбәй, Белорет, Бөрө, Сибай, Октябрьский ҡалаларынан, шулай уҡ Әлшәй, Иглин, Ҡырмыҫҡалы, Ейәнсура райондарынан. Сир йоҡтороусылар араһында Республика клиник дауаханаһы медицина хеҙмәткәрҙәре (9 кеше) лә бар.
Башҡортостанда әлеге ваҡытта был ауырыуҙан 6 кеше һауыҡҡан. 3647 кеше медицина күҙәтеүе аҫтына алынған, шуларҙың 99-ы – киҫкен респиратор вирус инфекцияһы билдәләре менән. 9 апрелгә Башҡортостанда 13 652 кеше лаборатор тикшеренеү үткән.
Иҫегеҙгә төшөрәбеҙ, Рәсәйҙә 9 апрелдә коронавирус йоҡтороусылар һаны 10 меңдән ашыу булып китте.
Р.ЗАМАНОВА.
Новости партнеров