+28 °С
Облачно
Сәләмәтлек
23 Апреля 2020, 10:35
Иң шәбе – кер һабыны
Вирустарҙан һаҡланыу өсөн иң ябай, арзан һәм ҡулай ысул – кер һабыны менән йыуыныу.
Ҡайҙа ғына йөрөһәгеҙ ҙә ҡулығыҙҙы кер һабыны менән йыуырға тырышығыҙ. Бер кемгә лә сер түгел, иң күп вирустар һәм бактериялар ҡулда була. Вирустар һәм бактериялар ишек тотҡаһына, төрлө ишек яңаҡтарына, өҫтәлгә йәбешеүсән, ә беҙ уларға ҡул менән йыш ҡағылабыҙ, шунан. үҙебеҙ ҙә һиҙмәҫтән, йә битте, йә күҙҙе, танауҙы ышҡып алабыҙ, бына шул ваҡытта вирус организмға инеүе ихтимал.
Кер һабынында вирусты үлтерә торған һелте бар. Ошо арзан ғына һабынды йоғошло сирҙәр хәүеф янаған урындарҙа ҡулланалар.
Ҡулды нисек йыуырға?
Ҡул йыуғанда ағым һыуҙа (кран аҫтында) 15-20 секунд, ә кран булмаған ерҙә, мәҫәлән, берәй һауытта йыуғанда оҙағыраҡ - 20-30 секунд йыуырға кәрәк. бигерәк тә тырнаҡ аҫтын, бармаҡ араларын яҡшылап йыуығыҙ. Күп бактериялар һәм вирустар шунда йыйыла. Битте, танауҙы ла һабынлап йыуырға онотмағыҙ.
Ҡул йыуғанда ағым һыуҙа (кран аҫтында) 15-20 секунд, ә кран булмаған ерҙә, мәҫәлән, берәй һауытта йыуғанда оҙағыраҡ - 20-30 секунд йыуырға кәрәк. бигерәк тә тырнаҡ аҫтын, бармаҡ араларын яҡшылап йыуығыҙ. Күп бактериялар һәм вирустар шунда йыйыла. Битте, танауҙы ла һабынлап йыуырға онотмағыҙ.
Сәләмәт булығыҙ!
Р.УСМАНОВА.