+30 °С
Болотло
Сәләмәтлек
22 Декабрь 2020, 15:20
Башҡортостанда бер аҙнала 18 кеше коронавирустан вафат булған
Башҡортостанда 16 декабрҙән 22-нә тиклем 18 кеше коронавирустан үлгән, тип хәбәр итте брифингта республиканың һаулыҡ һаҡлау министры урынбаҫары Ирина Кононова.
Уҙған тәүлектә бер үлем осрағы теркәлгән. Шулай итеп, пандемия башланғандан алып республикала бөтәһе 126 кеше COVID-19 ҡорбаны булған.
Һаулыҡ һаҡлау министрлығының 22 декабргә мәғлүмәттәре буйынса, тәүлек эсендә 162 кеше яңы коронавирус инфекцияһын йоҡторған. Республикала ауырыуҙарҙың дөйөм һаны — 17 581. Әлеге ваҡытта 852 пациент стационарҙа ята, уларҙың 55-е – ауыр хәлдә, 13-ө – үпкәне яһалма елләтеү аппаратында. Ә 2 757 сирле өй шарттарында дауалана.
Башинформ.
