+30 °С
Болотло
Сәләмәтлек
1 Февраль 2021, 15:35
Битлек режимы бөтөрөлөүе ихтимал
Рәсәйҙә быйылдан йәмәғәт урындарында битлек кеймәйенсә лә йөрөргә рөхсәт итеүҙәре ихтимал.
Роспотребнадзор етәксеһе Анна Попова Беренсе каналдан интервьюһында ошо турала әйтте.
“Һис шикһеҙ, өмөт бар. Беренсенән, беҙ хәҙер был вирус менән нисек йәшәргә өйрәндек инде, икенсенән, беҙ прививка яһатабыҙ”, - тине Рәсәйҙең баш санитар табибы.
Уның һүҙҙәренсә, коронавирус респиратор вирустар ғаиләһенә ҡарай һәм ул миҙгелле булырға тейеш. Бөгөн был фараздар раҫлана: "коронавирус әкренләп китә".
Анна Попова шулай уҡ, коронавирусҡа антиесемдәр уртаса алғанда Рәсәй халҡының яҡынса 20-25 процентында барлыҡҡа килде. Әле кемдәр ауырып өлгөрмәгән, прививканы бөтәһенә лә яһатырға кәрәк, тип йомғаҡланы һүҙен Рәсәйҙең баш санитар табибы.
Р.ЗАМАНОВА.
