+24 °С
Болотло
Сәләмәтлек
1 Февраль 2021, 19:22
Республика туризмы буйынса Стәрлетамаҡ туристик клубы – беренсе!
Республиканың спорт туризмы федерацияһы съезында 2020 йылдың йәштәр сәйәсәте һәм спорт өлкәһендәге спорт туризмы рейтингтарына йомғаҡ яһалды. Стәрлетамаҡ ҡалаһының спорт туризмы Федерацияһы муниципаль булеге бөтә республика буйынса иң яҡшыһы тип билдәләнһә, Башҡортостан Республикаһының ҡала һәм райондарынан барыһы егерме ике клуб ҡатнашлығындағы конкурста Стәрлетамаҡ ҡалаһының “Глобус” исемле туристик клубы беренсе урынды яулаған.
Үткән йылда был клуб спорт туризмы буйынса( һыу, саңғы һәм йәйәүле туризм) барлыҡ Республика сараларында ла үҙен һынап ҡараны. Спорт туризмы буйынса Башҡортостан чемпионатында “Глобус” көмөш миҙалға лайыҡ булһа, һыу туризмы дистанцияларында клубтың спортсмендарының һәр береһе еңеүсе булды. Шулай уҡ, йәйәүле туризм буйынса икенсе, саңғы туризмында дүртенсе урынды алған. Республика буйынса үткәрелгән 6 сарала, барыһы 400-ҙән ашыу кеше ҡатнашҡан.
Рәсәй Чемпионатында Ю.Мудрик етәкселегендәге команда ,юғары ҡатмарлылыҡ категорияһындағы походта 7 урынға лайыҡ булған.Волга буйы федераль округының чемпионатында Ю.Козлова етәкселек иткән команда шул уҡ категорияла 4 урынға сыҡҡан.Бөтә ҡатнашыусылар ҙа спорт мастерына кандидат нормативтарын үтәгән.
