+30 °С
Болотло
Сәләмәтлек
3 Февраль 2022, 04:52
Башҡортостанда ковид-сирлеләр һаны буйынса абсолют антирекорд теркәлде
Башҡортостанда коронавирус менән ауырығандар буйынса абсолют антирекорд теркәлгән — тәүлегенә 1205 яңы осраҡ, тип белдерҙеләр республика Һаулыҡ һаҡлау министрлығында.
Башҡортостанда ковид-сирлеләр һаны буйынса абсолют антирекорд теркәлде
«Башинформ» хәбәр иткәнсә, кисә республикала 982 кешелә ошо мәкерле сир асыҡланған.
Пандемия башланғандан алып Башҡортостанда бөтәһе 134,3 меңгә яҡын сирле теркәлгән.
«Әле 233 кеше стационарҙа дауалана, уларҙың яртыһынан ашыуы — өлкән йәштәгеләр, 42-һе ауыр хәлдә. Ете меңдән ашыу кеше амбулатор шарттарҙа дауалана, 4,9 меңгә яҡыны — 60 йәштән өлкәндәр», — тип белдерҙеләр Башҡортостан Һаулыҡ һаҡлау министрлығының матбуғат хеҙмәтендә.
Уҙған тәүлектә республикала коронавирус инфекцияһынан 18 кеше үлгән. Пандемия башланғандан алып бөтәһе 4,8 меңгә яҡын кеше COVID-19 ҡорбаны булған. Уларҙың 4,1 меңдән ашыуы өлкәндәр — ололар.
Башинформ.
