Бөтә яңылыҡтар
Сәләмәтлек
13 Май , 16:00

6-11 йәшлек балаларға коронавирустан вакцинаны тикшерәсәктәр

Гамалея исемендәге эпидемиология һәм микробиология фәнни-тикшеренеү үҙәгенең 6-11 йәшлек балалар өсөн яңы коронавирус инфекцияһына ҡаршы вакцинаһын клиник тикшереү 3 июндә башлана. Был хаҡта үҙәктең директоры Александр Гинцбург хәбәр итте.

6-11 йәшлек балаларға коронавирустан вакцинаны тикшерәсәктәр
6-11 йәшлек балаларға коронавирустан вакцинаны тикшерәсәктәр

«Скрининг башланды, тәүге вакцинаны 3 июндә яһайҙар. Әле ирекмәндәрҙе йыйыу бара, электрон карталар әҙерләнә», — тине Гинцбург.

Бынан алда Рәсәйҙең Һаулыҡ һаҡлау министрлығы ковидтан «Спутник М» вакцинаһын теркәгәйне. Прививканы 12-18 йәшлек үҫмерҙәргә эшләйҙәр. Башҡортостанда ата-әсәләрҙең һәм опекундарҙың рөхсәте менән дүрт меңгә яҡын бала ошо вакцинаны ҡаҙатҡан.

Башинформ.

Автор:
Читайте нас в