+30 °С
Болотло
Сәләмәтлек
20 Май 2022, 12:09
Башҡортостандың иң яҡшы табиптары билдәле булды
Башҡортостанда 2022 йылда «Иң яҡшы йыл табибы» конкурсының республика этабына йомғаҡ яһалды. Бөтәһе 27 номинацияла еңеүселәр һәм призерҙар билдәләнде. Был турала республика Һаулыҡ һаҡлау министрлығының матбуғат хеҙмәте хәбәр итте.
Башҡортостандың иң яҡшы табиптары билдәле булды
Өфөнөң Ашығыс медицина ярҙамы дауаханаһының балалар өсөн консультация-диагностика етәксеһе Наталья Сәмиғуллина республиканың иң яҡшы педиатры тип танылды. Иң яҡшы терапевт – Ғ.Ҡыуатов исемендәге Республика клиник дауаханаһының пульмонология бүлеге мөдире Гөлназ Грицаенко, иң яҡшы онколог – шул уҡ дауахананың онкология бүлеге мөдире Антон Сафонов, ә иң яҡшы хирург – Республика балалар клиник дауаханаһының нейрохирургия бүлеге мөдире Айрат Тимершин.
Аҡъяр үҙәк район дауаханаһының терапия бүлеге мөдире Лира Хәбирова – иң яҡшы ауыл табибы, Республика стоматология поликлиникаһының ортопедия бүлеге мөдире Алик Ғәйнанов – иң яҡшы стоматолог, Салауат ҡалаһы дауаханаһының баш табибы Илшат Яппаров медицина ойошмаһының иң яҡшы етәксеһе тип танылды. Еңеүселәр һәм призерҙар исемлеге менән тулыраҡ Башҡортостандың Һаулыҡ һаҡлау министрлығы сайтында танышырға мөмкин.
Башинформ.
