Халыҡ сәләмәтлеге үҙәктә!

«Халыҡ һаулығы көнө» акцияһы  дәртле музыкаға ҡушылып күнегеүҙәр яһау менән бергә бара. Өҫтәлдәрҙә эндокринолог, кардиолог, онколог, окулист, стоматолог кеүек тар һөнәрҙәр табиптары консультация бирә.Ҡала халҡы өсөн шулай уҡ тире-венерик диспансер белгестәре, 1-се ҡала клиник дауахананың неврология бүлегенең ЛФК инструкторҙары һәм «Йәйғор» балалар шифаханаһы эшләй. Балалар шулай уҡ нейропсихологтан консультация ала һәм уларҙың психологик статусын билдәләү өсөн мөһим тесттар үтә алды. Акцияла ҡатнашыусылар өсөн ҡала мәҙәниәт һарайы һәм СТКБ артистары, балалар аниматорҙары сығыш яһаны. Бәләкәстәр кислород коктейле менән һыйлана алды һәм  уларға төрлө төҫтәге шарҙар ҙа бүләк иттеләр.

 - «Халыҡ һаулығы көндәре " Бөтә республикала үтә, - тип билдәләне 1-се ҡала клиник дауахананың баш табибы Илшат Яппаров. - Һәм Стәрлетамаҡ был процеста әүҙем ҡатнашты. Быйыл Башҡортостанда «Ҙур һәм татыу ғаилә йылы» тип иғлан ителде. Ә ғаилә бәхетенең төп өлөшө - һаулыҡ. Шуға күрә бөгөн беҙ өлкәндәргә лә, балаларға ла һаулығыбыҙҙы тикшерергә мөмкинлек бирҙек. Рәсәйҙәрҙең һаулығы «Берҙәм Рәсәй» партияһының халыҡ программаһының бер өлөшө булып тора.

Римма ҒӘЛИМОВА.

Автор фотолары.

Һүҙ акцияла ҡатнашыусыларға:

Земфира Иҙрисова, хеҙмәт ветераны:

- Мин күп диспансерлаштырыуҙы даими үтергә тырышам. Ә инде әлеге акцияла әлеге мөмкинлек өсөн ойоштороусыларға һаулығыбыҙ тураһында хәстәрлек күреүҙәре  өсөн рәхмәт.

Эльмира ХӘМИТОВА, хаҡлы ялда:

- Быға тиклем республиканан ситтә йәшәргә тура килгәйне. Бөгөнгө акцияла сират тороп булһа ла флюорография һәм тар белгестәрҙе үтергә мөмкин булды. Өлгөргән хәтлем үтеп, ҡайһы бер табиптарға шәхсән яҙылдым. Бындай халыҡ мәнфәғәтендә үткәрелгән саралар дауамлы булһын!