+2 °С
Болотло
Бөтә яңылыҡтар
10
Сәнәғәт һәм иҡтисад
30 Ноябрь 2018, 10:34
Францияның сыр етештереү компанияһы башлығы республикабыҙҙа етештерелгән һөттө юғары баһаланы
Францияның Savencia Fromage & компанияһының генераль директоры Жан-Поль Торрис Башҡортостанда етештерелгән һөткә юғары баһа бирҙе. Үҙенең фекерен донъяның алдынғы сыр етештереүсеһе Рәсәй Президенты Вдадимир Путин ҡатнашлығындағы «Рәсәй саҡыра» форумының пленар сессияһы барышында белдерҙе.
Санкциялар индерелгәндән һуң компания Рәсәйгә сыр оҙатыуҙы туҡтатты, тип билдәләне Торрис. Шуға күрә предприятие Рәсәй биләмәһендә производство асыу өсөн урын эҙләне. Ағымдағы йылдың мартында уларҙың компанияһы «Нерал» компаниялар төркөмөнән «Бәләбәй һөт комбинаты» акционерҙар йәмғиәтенә мажоритар пакет һатып алды.
«Бынан алда беҙ күп фермаларҙа һәм майҙансыҡтарҙа булдыҡ. Ләкин һөт йыйырға һәм уны һаҡларға мөмкин булған заманса производствоны тап Башҡортостанда таптыҡ. Сөнки был бизнесыбыҙ өсөн төп фактор булып тора. Кешеләр һәйбәт эшләй, тиҙ өйрәнә, был, һис шикһеҙ, беҙҙе шатландыра. Төбәк властары ла ярҙам итә. Шәп сыр шәп һөттән етештерелә», — тип һыҙыҡ өҫтөнә алды Жан-Поль Торрис.
Яҡын арала Франция компанияһы Башҡортостан предприятиеһын яңырта һәм сырҙың сифатын яҡшыртыу өсөн инновациялар индерә башлай, тип хәбәр итә Башҡортостандың Ауыл хужалығы министрлығы.
http://www.bashinform.ru/news/1244747-glava-frantsuzskoy-kompanii-vysoko-otsenil-kachestvo-bashkirskogo-moloka/
Читайте нас:
