Бөтә яңылыҡтар
Сәнәғәт һәм иҡтисад
26 Декабрь 2018, 15:28

2018 йылда төбәктә йәшәүселәрҙе пенсия менән тәьмин итеүгә 201 миллиард һумдан ашыу йүнәлтелгән

2018 йылда Башҡортостанда йәшәүселәрҙе пенсия менән тәьмин итеүгә 201,1 миллиард һум йүнәлтелгән, тип хәбәр иттеләр Пенсия фондының республика буйынса бүлексәһенең матбуғат хеҙмәтендә.

Әлеге мәлдә пенсияларҙы һәм башҡа социаль түләүҙәрҙе финанслау тулы күләмдә тамамланған.
26 декабрҙән киләһе йылдың ғинуарының беренсе декадаһын финанслау башланған.
«Яңы йылда пенсия таратыу 3 ғинуарҙан башлана һәм почта элемтәһе ойошмаларының эш режимына бәйле башҡарыла. Байрам һәм ял көндәрендә таратыуҙың аныҡ датаһы декабрь пенсияһы квитанцияларында күрһәтелгән. 9 ғинуарҙан пенсия ғәҙәти график буйынса тапшырыла», — тип хәбәр итте Рәсәй Пенсия фондының Башҡортостан буйынса бүлексәһе идарасыһы Фоат Хантимеров.
Уның һүҙҙәренсә, 12-һендә һәм 13-өндә пенсия алырға тейешлеләр өсөн банктарға аҡса ваҡытынан алда — 11 ғинуарҙа күсерелә. Артабан —«килешеүҙәрҙә билдәләнгән ваҡытта».
Әле республикала 1 миллион 200 мең пенсионер иҫәпләнә.
http://www.bashinform.ru/news/1256133-na-pensionnoe-obespechenie-zhiteley-bashkirii-v-2018-godu-napravleno-bolee-201-mlrd-rubley/
Читайте нас в