Ашҡаҙар
+24 °С
Болотло
Бөтә яңылыҡтар
Сәнәғәт һәм иҡтисад
30 Декабрь 2018, 12:29

Республика аграрийҙарына тәбиғәт көйһөҙлөгө арҡаһындағы зыянды компенсациялауға 238 миллиондан ашыу бирелә

Рәсәй Хөкүмәтендә төбәктәргә хәүефле агрометеорология күренештәре менән бәйле ғәҙәттән тыш хәлдәрҙән килгән зыянды ҡаплауға аҡса бүлеү тураһында бойороҡҡа ҡул ҡуйылды.

Документҡа ярашлы, Башҡортостан 238,3 миллион һум алды. Тәбиғи характерҙағы ғәҙәттән тыш хәлдәр һөҙөмтәһендә килтерелгән зыянды компенсациялауға субсидиялар республика ауыл хужалығы етештереүселәре иҫәбенә йүнәлтелгән дә инде.
Быйыл яҙғыһын һәм йәйгеһен төбәктең ҡайһы бер райондарында һауала һәм тупраҡта ҡоролоҡ, ҡыуан ел, ҡойма ямғыр һәм боҙ-борсаҡ күҙәтелде. Хәүефле агрометеорология күренештәре теркәлгән 19 район һәм Күмертау ҡалаһы биләмәһендә ғәҙәттән тыш хәл режимы индерелде. Дөйөм алғанда, 105,6 мең гектар майҙанда төбәктең 223 ауыл хужалығы предприятиеһы сәсеүлеге зыян күрҙе.
http://www.bashinform.ru/news/1257356-agrarii-bashkirii-poluchat-bolee-238-mln-kompensatsii-ushcherba-iz-za-chrezvychaynoy-situatsii/
Читайте нас: