Башҡортостанда технопарктар үҫеше өсөн яуаплы тәғәйенләнде

Башҡортостан Башлығы вазифаһын ваҡытлыса башҡарыусы Радий Хәбиров сираттағы «Инвестиция сәғәте» осрашыуында республиканың сәнәғәт һәм инновация сәйәсәте министрының беренсе урынбаҫары Фәрит Ғилмановҡа технопарктар һәм индустриаль парктар үҫешен күҙәтеп барырға ҡушты.

«Беҙҙә бер мәсьәлә — технопарктар һәм индустриаль парктар үҫеше менән генә шөғөлләнгән кеше булырға тейеш. Эшселәр килһен һәм коммуникациялар тоташтырыуҙы көтмәйенсә шунда уҡ эш башлаһын өсөн майҙансыҡтар булдырыу маҡсатын ҡуйҙыҡ. Был — бик яуаплы эш, ул, асылда, иҡтисадыбыҙ үҫешен билдәләйәсәк», — тине Радий Хәбиров.

Индустриаль парктар ассоциацияһы мәғлүмәттәренә ярашлы, Башҡортостан индустриаль парктар һаны буйынса Рәсәй төбәктәре араһында бишенсе урынды биләй. Рәсәй буйынса уртаса алғанда, индустриаль парк инфраструктураһына һалынған бер һумға 9,4 һум инвестиция йәлеп ителә, 90 самаһы эш урыны булдырыла.

Әлеге ваҡытта республикала ике индустриаль парк — «Өфө» һәм «Промцентр» эшләй, был парктарҙың идарасы компаниялары үҙҙәренең федераль талаптарға тап килеүен раҫланы һәм Рәсәй Сәнәғәт һәм сауҙа министрлығының индустриаль парктар реестрына индерелде.

Республикала бөтәһе алты индустриаль парк рәсми теркәлгән. Тағы алтауһы — әҙерлек стадияһында.

Стәрлетамаҡта, Салауатта индустриаль парктар һәм Өфө районының Жуков ауылында агропарк булдырыу тәү сиратта потенциаль инвесторҙарҙың ошо майҙансыҡтар менән ҡыҙыҡһыныуына, һәйбәт транспорт логистикаһына, ҙур ҡалаларҙың яҡынлығына (кадрҙар ҡеүәте) һәм инженер инфраструктураһы булыуына бәйле.

http://www.bashinform.ru/news/1276769-v-bashkirii-naznachili-otvetstvennogo-za-razvitie-tekhnoparkov/

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.

Баш мөхәррир

Мансуров Рәмил Ғәбдрәшит улы.

Телефон

Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73

Электрон почта

[email protected]

Адресы

453124, РБ, г. Стерлитамак, ул. Комсомольская, 82

Реклама хеҙмәте

(347) 325-18-57

Редакция

(347) 325-18-57

Ҡабул итеү бүлмәһе

(347) 325-18-57

Хеҙмәттәшлек

(347) 325-18-57