+21 °С
Ясно
Сәнәғәт һәм иҡтисад
25 Июля 2020, 14:05
Республика властары биш дәүләт предприятиеһын һатырға йыйына
Биш предприятие һәм өс күсемһеҙ милек объекты 2023 йылға тиклем Башҡортостандың дәүләт милкен хосусилаштырыу планына индерелә. Республиканың Ер һәм мөлкәт мөнәсәбәттәре министрлығы хөкүмәттең тейешле ҡарар проектын баҫтырып сығарҙы.Ҡарар проектына ярашлы, Башҡортостан биш предприятиены һәм өс күсемһеҙ милек объектын һатырға йыйына.
Хосусилаштырыу планына Өфөнөң «Башплемсервис», «Башкоммунэнерго» һәм «Башплодородие», «Стәрлетамаҡ тимер юлдары» һәм «Яңауыл» темплица комбинатын индерергә тәҡдим ителә. Бынан тыш, Мәләүездәге ике административ бинаны һәм Туймазы районы Ҡандра ауылындағы кеше йәшәмәгән бинаны һатыу планлаштырыла.
2020 йылдың 1 июленә 21 дәүләт унитар предприятиеһы һәм 54 хужалыҡ йәмғиәтендә өлөш республика милкендә булған (ябылыу һәм бөлгөнлөккә төшөү стадияһында булғандарҙы иҫәпләмәйенсә).
Документ экспертизаны 19 июлгә тиклем үткән.
