+30 °С
Болотло
Сәнәғәт һәм иҡтисад
7 Декабрь 2020, 08:24
СТӘРЛЕТАМАҠ РАЙОНЫНДА ЯҢЫ ҺӨТ ФЕРМАҺЫ ТӨҘӨЛӘ
Республика Башлығы Радий Хәбиров үткәргән “Инвестиция сәғәте” ултырышында яңы проект менән таныштырҙылар. «Калинин» исемендәге компания етәксеһе Николай Коваленко һүҙҙәренсә хужалыҡта етештереүҙе киңәйтеү планлаштырыла. Әле бында йылына 16 мең тонна һөт һауыла, 130 мең тонна һыйыр ите етештерелә, шулай уҡ яҡшы уңыш алына. Агрохолдинг күрше Бишбүләк һәм Йәрмәкәй райондарында фидлот – малды һимертеү майҙансыҡтары төҙөргә ниәтләй. Шулай уҡ сәсеү эштәре, мал өсөн аҙыҡ әҙерләү һәм етештереү өсөн яңы техника һатып планлаштырылған. Ғөмүмән алғанда инвестицияларҙың күләме 700 млн һум тирәһе тәшкил итәсәк. Проет ит, һөт етештереүҙе арттырыға һәм үҫентелектән килгән килемде арттырырға булышлыҡ итергә тейеш. Компанияның тағы ла бер масштаблы проекты ул 3000 мал һыйҙырышлы һөт фермаһы булдырыу, комплексты Кононовский ауылы эргәһендә төҙөйәсәктәр. 3 млрд һумлыҡ проектты 2021-2025 йыл арауығында ҡороп сығырға ниәтләйҙәр. Яңы объект 118 кешегә эш урыны булдырасаҡ.
Компанияның тағы ла бер масштаблы проекты ул 3000 мал һыйҙырышлы һөт фермаһы булдырыу, комплексты Кононовский ауылы эргәһендә төҙөйәсәктәр. 3 млрд һумлыҡ проектты 2021-2025 йыл арауығында ҡороп сығырға ниәтләйҙәр. Яңы объект 118 кешегә эш урыны булдырасаҡ.
Әгәр ҙә агрохолдинг өҫтөнлөклө инвестиция проекттары башҡарыусылар рәтенә индерелһә федераль субсидия алыу мөмкинлеген аласаҡ. Ә субсидия ярҙамында лизинг программалары аша илебеҙҙә етештерелгән ауыл хужалығы техникаһы һәм тоҡомло мал һатып алырға мөмкин.
Радий Хәбиров дәүләт яғынан хужалыҡҡа ярҙам итергә һәм проектты өҫтөнлөклөләр исемлегенә индерергә ҡушты.
