+30 °С
Болотло
Сәнәғәт һәм иҡтисад
1 Май 2021, 11:05
Башҡортостанда киндер майы етештереү заводы төҙөлә
«Башхемп-Агро» йәмғиәтенең генераль директоры Эдуард Рамазанов «Инвестиция сәғәте» ултырышында Кушнаренко районында киндер майы, орлоғо һәм башҡа экологик яҡтан таҙа продукция етештереү заводы төҙөү ниәте тураһында һөйләне.
Инвестор техник киндерҙе әүҙем үҫтерә, шулай уҡ ул төҙөлөш эштәренә тотонған, етештереү һәм склад биналары, юл, электр тапшырыу линиялары төҙөгән.
Проектҡа һалынырға тейешле аҡсаның дөйөм күләме – 200,5 миллион һум, тип билдәләне Эдуард Рамазанов. Шул уҡ ваҡытта 75 яңы эш урыны булдырыла. Проектты 2022 йылда бойомға ашырыу күҙаллана.
«Инвестиция сәғәте»ндә ҡатнашыусылар проектты хупланы. Инвесторға май культуралары үҫтереү өсөн ауыл хужалығы ерҙәрен ҡуртымға алыу йәһәтенән ярҙам күрһәтеләсәк.
Башинформ.
Фото яндекс.
