+24 °С
Болотло
Сәнәғәт һәм иҡтисад
16 Июнь 2021, 06:51
Стәрлетамаҡҡа аквапарк кәрәкме?
Ҙур булмаған аквапарк “Ольховка” санаторий-прафилакторий майҙандарында барлыҡҡа килергә тейеш. Ул санаторийҙы дөйөм төҙөкләндереү, ремонтлау проекты барышында төҙөлә. Әлегә аквапарктың ниндәйерәк буласағы билдәһеҙ, көҙ айҙарында уның ентекле проектын күрербеҙ. Проект әҙер булғас төҙөлөштөң суммаһы билдәләнәсәк һәм йәмәғәт тыңлауҙарына сығарыласаҡ.
Дөйөм төҙөкләндереү барышында санаторийҙа тағы ла «Һаулыҡ һуҡмағы» ойоштороласаҡ, бинаға капиталь ремонт яһала, күңел асыу майҙансыҡтары һәм кафе, бейеү майҙаны булдырыласаҡ.
Был турала социаль селтәрҙәрендәге үҙ сәхифәһендә «Башҡорт сода» компанияһының гендиректоры Эдуард Давыдов яҙып үткән.
- Ҙур булмаһа ла, әммә заманса ҡоролған аквапарк төҙөлөшө яҡшы булыр, - тип яҙған етәксе.
