+24 °С
Болотло
Сәнәғәт һәм иҡтисад
16 Ноябрь 2021, 08:30
Башҡортостан делегацияһы Мәскәүҙә «Рәсәй транспорты» халыҡ-ара форумында ҡатнаша
Бөгөн Мәскәүҙә XV «Рәсәй транспорты» халыҡ-ара форумы асыла. Өс көн дауамында 35-тән ашыу эшлекле формат, 90 экспонент, хеҙмәттәшлек тураһында 40 килешеү төҙөү, «Белем» студияһында лекциялар һәм оҫталыҡ дәрестәре ҡаралған.
Башҡортостан делегацияһы Мәскәүҙә «Рәсәй транспорты» халыҡ-ара форумында ҡатнаша
Форум эшендә Радий Хәбиров етәкселегендәге Башҡортостан делегацияһы ла ҡатнаша. Уның пленар ултырыш эшендә ҡатнашыуы көтөлә. Республика етәксеһе «Рәсәй автомобиль юлдары» компаниялар төркөмө идараһы рәйесе Вячеслав Петушенко һәм «Рәсәй тимер юлдары» йәмғиәте идараһы рәйесе – генераль директоры Олег Белозеров менән эшлекле осрашыуҙар үткәрергә ниәтләй.
Быйыл төп тема — «Рәсәй транспорты-2035. Стратегиянан — бойомға ашырыуға». Төп эшлекле сессияла власть һәм бизнес-берләшмә вәкилдәре яңыртылған Транспорт стратегияһын ғәмәлгә ашырыу принциптарын, берҙәм терәк транспорт селтәрен, шулай уҡ 2035 йылға технологик яңылыҡтарҙы тикшерә, тип хәбәр итә Башинформ.
Башҡортостан делегацияһы Мәскәүҙә «Рәсәй транспорты» халыҡ-ара форумында ҡатнаша
