Башҡортостан Башлығы Радий ХӘБИРОВ: “Хәләл порошок етештерәбеҙ!”

Башҡорт сода компанияһының «Эколь» кесе предприятиеһы уникаль, Рәсәй баҙары өсөн яңы продукт етештерә башланы. Хәләл стандартындағы кер йыуыу порошогының ғәҙәти кер  йыуыу сараһынан  айырмаһы  шунда – уның составында хайуан майы урынына  пальма майы нигеҙендәге ингредиенттар  ҡулланыла. Яҡын арала  «Зифа Хәләл» порошогы Башҡортостандың һәм Рәсәйҙең башҡа төбәктәрендә һатыу кәштәләренә сығарыласаҡ, шулай уҡ БДБ илдәре менән һөйләшеүҙәр алып барыла. Перспективала Төркиә, Иран, Сәғүд Ғәрәбстаны һәм башҡа дәүләттәргә оҙатыу ҡарала.