+4 °С
Ясно
Сәнғәт һәм мәҙәниәт
10 Января 2019, 12:32
«Керәшен һыуыҡтары» фестивале республикала конкурс миҙгелен аса
«Керәшен һыуыҡтары – 2018» төбәк-ара эстрада йыры һәм бейеү фестиваль-конкурсы Башҡортостанда конкурс миҙгелен аса. Йыр-моң һәм бейеү сәнғәтен һөйөүселәр байрамы йәш музыканттарҙы, йырсыларҙы, бейеүселәрҙе һәм эстрада төркөмдәрен үҙ майҙанына йыя. 24-26 ғинуарҙа Бөрө ҡалаһы Мәҙәниәт һарайында юбилейлы — 25-се фестиваль ойошторола.
Ғәҙәттәгесә, ижади бәйге эстрада ижады өлкәһендә өс айырым конкурсты үҙ эсенә ала — вокал (солистар һәм коллективтар), хореография һәм вокаль-инструменталь ансамблдәр. Ҡатнашыусыларға икешәр конкурс әҫәрен әҙерләргә кәрәк. Әгәр элек ҡатнашыусылар 16-35 йәш категорияһында сығыш яһаһа, хәҙер иһә эстрада вокаль коллективтары һәм бейеү коллективтары өсөн сиктәр киңәйтелде (14 йәштән алып), ә вокаль-инструменталь коллективтар өсөн йәш сикләүе юҡ.
Конкурсанттарҙы профессиональ жюри баһалай, улар араһында Пермь крайы, Силәбе һәм Ырымбур өлкәләре вәкилдәре бар. Фестиваль барышында оҫталыҡ дәрестәрен ойоштороу ҡаралған. Сараның финалы — ике сағыу гала-концерт.
Конкурс йәш һәләтле йырсыларҙы һәм ижади коллективтарҙы асыҡлау һәм уларға ярҙам итеү маҡсатында уҙғарыла. Ойоштороусылар — Башҡортостан Мәҙәниәт министрлығы, Республика халыҡ ижады үҙәге һәм Бөрө районы хакимиәте.
Ғаризалар kreshmorozy2019@mail.ru, gukrcnt@mail.ru электрон адресына 2019 йылдың 23 ғинуарына тиклем ҡабул ителә. Тулыраҡ мәғлүмәт өсөн телефон: 8 (347) 289-66-96, 8-905-355-44-20.
http://www.bashinform.ru/news/1259182-festival-kreshchenskie-morozy-otkroet-konkursnyy-sezon-v-bashkortostane/
Новости партнеров
