«Мосафир» этник музыка форумы ҡунаҡтары этно-турҙа ҡатнашты

Сит ил ҡунаҡтары милли ризыҡтарҙан ауыҙ итте, уҡтан атырға, милли хореография элементтарын өйрәнде, башҡорттарҙың традицион кейемдәрен кейеп ҡараны.«Костюм бик матур һәм йылы», — тине Германиянан килгән спикер Тино Грассельт.Ә Нидерланд спикеры Мириам Ли Бреннер шул тиклем уҡтан атыу менән мауығып китте, хатта Амстердамға ҡайтҡас, атыу өсөн клуб табырға вәғәҙәләне. Традицион уҡтан атыу буйынса оҫталыҡ дәресен «Мәргән уҡсы» хәрәкәте ҡатнашыусылары үткәрҙе.10 ноябрҙән 12-һенә тиклем Башҡортостанда «Мосафир» халыҡ-ара этник музыка форумы уҙғарыла. Кисә ҡунаҡтар өсөн этно-тур башланды.