+30 °С
Болотло
Сәнғәт һәм мәҙәниәт
23 Апрель 2021, 06:48
«Алтын битлек»тең махсус премияһы Рифҡәт Исрафиловҡа тапшырылды
Мәскәүҙең «Зарядье» концерт залында 2019/2020 миҙгел өсөн Рәсәйҙең «Алтын битлек» милли театр премияһы лауреаттарын бүләкләү тантанаһы уҙҙы.
«Театр сәнғәтенә ҙур өлөш индергән өсөн» премияһы режиссёр, педагог, М.Горький исемендәге Ырымбур дәүләт драма театрының художество етәксеһе Рифҡәт Исрафиловҡа тапшырылды. Профессор, Рәсәйҙең халыҡ артисы, Башҡортостандың һәм Татарстандың атҡаҙанған сәнғәт эшмәкәре, Рәсәй Федерацияһының Дәүләт премияһы, Башҡорт АССР-ының С.Юлаев исемендәге дәүләт премияһы лауреаты, 1981-1996 йылдарҙа ул М.Ғафури исемендәге Башҡорт академия театрын етәкләне. Башҡорт драма театрының художество етәксеһе булып эшләгән осорҙа Рәсәйҙең билдәле ҡуйыусы режиссёрҙарының береһенә әүерелде. Рәсәй милли театрҙарының республика советы рәйесе булған саҡта Өфөлә төрки телле халыҡтарҙың «Туғанлыҡ» фестивален уҙғарырға тәҡдим итте.
Башинформ.
