Йәш композиторҙарҙың «Партитура» Бөтә Рәсәй конкурсында яҡташыбыҙ Ринат Камалов лауреат булды.

Лауреаттарҙың концерты 25 ноябрҙә П.И. Чайковский исемендәге Мәскәү консерваторияһының Ҙур залында булды. Унда Дәүләт академия симфоник оркестры Павел Коган идаралығында «кино һәм музыка», «эстрада-симфоник музыка» номинациялары еңеүселәренең әҫәрҙәрен башҡарҙы.

«Минең өсөн лауреаттар араһында булыу оло мәртәбә. Жюриға, оркестрға, дирижерға һәм тыңлаусыларға юғары баһа өсөн ҙур рәхмәт! Шулай уҡ ҡатыныма, яҡындарыма, коллегаларыма һәм ихлас ярҙамы, юғары һөнәри оҫталығы өсөн Иҙел Аралбаевҡа рәхмәт белдерәм», – тип тәьҫораттары менән уртаҡлашты Ринат Камалов.

Ысын күңелдән ҡайнар ҡотлайбыҙ һәм яңынан-яңы еңеүҙәр теләйбеҙ!

Мәғлүмәт https://vk.com/kurultaibashkir алынды