Ватанды һаҡлаусылар көнө алдынан ҡала мәҙәниәт һарайында ҙур концерт үтте

Ватанды һаҡлаусылар көнө айҡанлы ҡалабыҙҙа төрлө саралар үтеп тора.

Бөгөн ҡала мәҙәниәт һарайында ҙур концерт ойошторолдо. Унда махсус хәрби операцияла ҡатнашыусылар, хәрбиҙәрҙең ғаиләләре, яҡындары ҡатнашты. Шулай уҡ, ҡалала хәрби патриотик тәрбиә биреү эшендә әүҙем эшмәкәрҙәр, төрлө ҡала предприятиеларында эшләүсе ир-егеттәр йыйылды.

Сарала ҡатнашыусыларҙы Стәрлетамаҡ ҡалаһы хакимиәте башлығы Рөстәм Ғәзизов, Стәрлетамаҡ ҡалаһы һәм Стәрлетамаҡ районы буйынса хәрби комиссар Рөстәм Ҡантимеров сәләмләп байрам менән ҡотлап үтте. Етәкселәр наградалар ҙа тапшырып үтте.