Журналистар союзының иң юғары наградаһына лайыҡ булды

Быйыл «Рәсәй журналистикаһы легендаһы» номинацияһында күренекле башҡорт совет һәм Рәсәй сатиригы һәм юморисы, 1980-2010 йылдарҙа «Һәнәк» журналының баш мөхәррире, рус телендә «Вилы» журналына нигеҙ һалыусы һәм уның беренсе баш мөхәррире (1992-2010), 1996-2006 йылдарҙа БР журналистар союзы рәйесе, Башҡортостан Республикаһының халыҡ яҙыусыһы Марсель Сәлимов (Мар. Сәлим) лайыҡ булды. Рәсәй журналистар  союзының юғары наградаһы – «Рәсәй журналистикаһы легендаһы» тигән маҡтаулы исем уға Ватан киң мәғлүмәт сараларын үҫтереүҙәге ҡаҙаныштары һәм күп йыллыҡ емешле эшмәкәрлеге өсөн бирелде. Әйткәндәй, тиҙҙән әҙип ҡалабыҙға килеп әҙәбиәт һөйөүселәр менән осрашасаҡ.