Бөтә яңылыҡтар
Сәйәсәт
18 Декабрь 2019, 21:00

Владимир Путинға һорауым бар...

#ПутинИртәгә, 19 декабрҙә, Президент Владимир Путин йомғаҡлау матбуғат конференцияһында Рәсәй һәм сит ил журналистарының һорауҙарына яуап бирәсәк. Сараға 1895 журналист аккредитация үткән. Уҙған йылда – 1702, 2017 йылда - 1640, 2016 йылда 1437 матбуғат сараһы вәкиле ҡатнашҡайны.

Владимир Путиндың ҙур матбуғат конференцияһы - уҙып барыусы йылға йомғаҡ яһау ул. Ҡағиҙә булараҡ, илдең баш командующийы матбуғат вәкилдәре менән аралашыуын ҙур булмаған сығыштан башлай. Ул илдәге иҡтисади торошто һәм борсоған проблемаларҙы хәл итеү буйынса Хөкүмәт тарафынан башҡарылған эш тураһында һөйләй.
Владимир Путиндың ун бишенсе ҙур матбуғат конференцияһы "Беренсе пролетар", "Россия-1", "Россия-24" телеканалдарында, "Маяк", "Вести FM" һәм "Радио России" радиостанцияларында тура эфирға сығасаҡ. "Общественное телевидение России" (ОТР), шулай уҡ ОТР сайтында (http://www.otr-online.ru/online/) баҫылып сыҡҡан конференцияһының сурдотәржемәһен ҡарарға мөмкин.
Башҡортостандан был сарала "Эксперт Башкортостана" гәзите хәбәрсеһе Станислав Шахов, Башҡортостандың берләшкән матбуғат саралары шеф-мөхәррире Артем Вәлиев, "Общественная электрогазета" хәбәрсеһе Ксения Калина, "Башинформ" агентлығы хәбәрсеһе Азат Ғиззәтуллин, БСТ хәбәрсеһе Айнур Кәбиров менән операторы Азат Ишбулатов ҡатнаша.
Владимир Путиндың 2018 йылдағы ун дүртенсе матбуғат конференцияһы 3 сәғәт 43 минутҡа һуҙылды. Сараны туранан-тура трансляциялауҙы 6,7 миллион кеше ҡараны.
Владимир Путин журналистар менән осрашыуҙарҙы 2001 йылдан бирле үткәрә. Иң ҡыҫҡа ваҡытлы конференцияһы 1 сәғәт 33 минут дауам иткән, иң оҙоно Владимир Путин Рәсәй Хөкүмәтенә китер алдынан 2008 йылда булған: ул 4 сәғәт 40 минутҡа һуҙылған, ил Башлығы 100-ҙән ашыу журналистың һорауына яуап биргән.
Читайте нас в