Бөтә яңылыҡтар
Сәйәсәт
23 Ғинуар 2020, 01:24

МИШУСТИН БЮДЖЕТ ТУРАҺЫНДАҒЫ ЗАКОНҒА ҮҘГӘРЕШТӘР ЭШЛӘРГӘ ҠУШТЫ

РФ Премьер-министры Михаил Мишустин федераль бюджет һәм Пенсия фонды бюджеты тураһындағы закондарға үҙгәрештәр әҙерләргә ҡушты. Был турала ил Хөкүмәтенең матбуғат хеҙмәте хәбәр итә.Төҙәтмәләр Рәсәй Президенты Владимир Путиндың РФ Федераль Йыйылышына Мөрәжәғәтнамәһен бойомға ашырыу өсөн кәрәк, тип билдәләнә йөкләмәлә.

Кәрәкле закон проекттарын Финанс министрлығы һәм Хеҙмәт министрлығы башҡарма хакимиәт органдары ҡатнашлығында әҙерләйәсәк.
15 ғинуар Владимир Путин үҙенең Мөрәжәғәтнамәһендә әсәлек капиталы программаһын оҙайтыу һәм уны беренсе балаға биреү, әҙ тәьмин ителгән ғаиләләргә түләүҙәрҙең артыуы, социаль контракттар системаһын ғәмәлғә индереү, башланғыс класс уҡыусылары өсөн бушлай йылы аш, класс етәкселәренә өҫтәмә түләүҙәр һәм башҡа саралар тураһында хәбәр итте.
Читайте нас в