+24 °С
Болотло
Сәйәсәт
23 Март 2022, 10:52
Украинала махсус операцияла ҡатнашыусылар хәрби хәрәкәттәр ветерандары тип танылды
Рәсәй Федерацияһының Дәүләт Думаһы Украиналағы махсус операцияла ҡатнашыусыларҙы хәрби хәрәкәттәр ветерандары тип таныу тураһында закон ҡабул итте, тип белдерҙеләр Дәүләт Думаһының матбуғат хеҙмәтендә.
Украинала махсус операцияла ҡатнашыусылар хәрби хәрәкәттәр ветерандары тип танылды
«Закон 2022 йылдың 24 февраленән Украинала, шулай уҡ Донецк һәм Луганск халыҡ республикаларында махсус хәрби операцияла ҡатнашыусыларға хәрби хәрәкәттәр ветераны һәм хәрби хәрәкәттәр инвалиды статусын бирә», — тип билдәләне Рәсәй Федерацияһы Дәүләт Думаһы рәйесе Вячеслав Володин.
Был ҡарар махсус операцияла ҡатнашыусыларға һалым, транспорт, ер, торлаҡ социаль ярҙам сараларын, шулай уҡ коммуналь хеҙмәттәргә түләгәндә льготаларҙан файҙаланырға мөмкинлек бирергә тейеш, тип өҫтәне спикер.
Башинформ.
