Ашҡаҙар
-5 °С
Болотло
Бөтә яңылыҡтар

МАШИНАМДЫ “УРЛАҒАНДАР”

«Машинамды туҡталҡаға ҡуйҙым да, иртәнсәк сыҡһам юҡ», тип полицияға ҡатын кеше машинаһын эҙләп табыуҙарын һорап мөрәжәғәт иткән. Полиция машинаны эҙләп тапҡан, баҡтиһаң автоһәүәҫкәр автомобилен үҙе ҡалдырып киткән булған. Быны ул машинаһының эргәһенә барғанда ғына иҫенә төшөрә.

Билдәле булыуынса ҡатын бер көн алдан байрам иткән булған, мәжлестә алкоголь эсемлектәр ҙә була. Күрәһең нисек ҡайтып еткәнен иҫләмәй һәм машинаһын ҡайҙа ҡуйғанын онотҡас полиция хеҙмәтенә хәбәр итеүҙән бер сара таба алмай. Патруль экипаждар автомобилде магазиндарҙың береһе алдында таба. Шуныһы ҡыҙыҡ, ҡатындың документтары, аҡсалары ятҡан сумкаһы автомобилдең ултырғысында, ә автомобилде тоҡандырыусы асҡысы зажиганиеға ҡуйылған килеш ҡалған булған. Ҡатынға автомобилен күрһәткәс барыһын да иҫләгән. Ҡалай оят булғандыр инде.. Шуныһы һөйөндөрә иҫерек килеш руль артына ултырып ҡайтып китмәгән.
Әлеге мәлдә ҡатынды законлы рәүештә яуаплылыҡҡа тартырылыу мәсьәләһе хәл ителә. Был турала Стәрлетамаҡ ҡалаһы буйынса эске эштәр министрлығы идараһынан Дарина Горчакова хәбәр итә.
Читайте нас: