МУТЛАШЫУСЫЛАР ИПОТЕКА ТҮЛӘҮСЕЛӘРҘЕ АЛДАЙ БАШЛАҒАН

Мутлашыусылар алдап аҡса урлау өсөн ниндәй генә ысул уйлап тапмай, хәҙер улар ипотека түләүселәрҙең башын ҡатыра башлаған. Ә эш һуң нимәлә, мутлашыусылар иң тәүҙә ипотека түләүсенең банкка аҡса түләү ваҡытын һәм сумманы белеп ала. Һуңынан был мәғлүмәтте белеп, түләү ваҡыты еткәс бурыслыға банк хеҙмәткәре булып шылтырата һәм банктың реквизиттары алмашыныуы тураһында хәбәр итә. Хикмәте шунда, мутлашыусы элеккесә күсергән осраҡта аҡсалар дөрөҫ барып етмәйәсәге һәм штраф түләтеү менән янай. Әлегә ундай мәсьәлә менән осрамаған кеше, "хеҙмәткәрҙең" һүҙен тыңлап мутлашыусының иҫәбенә аҡсаларҙы күсерә.